بالی وڈ کے معروف اداکار Aamir Khan نے اپنی دیرینہ ساتھی Gauri Spratt کے ساتھ نجی تقریب میں شادی کر لی۔ یہ عامر خان کی تیسری شادی ہے، جس کی تصدیق بھارتی میڈیا نے بھی کر دی ہے۔
ڈیلی اردو میڈیا کے مطابق شادی کی سادہ مگر پروقار تقریب اتوار کو ممبئی میں عامر خان کی رہائش گاہ پر منعقد ہوئی، جہاں دونوں نے اسپیشل میرج ایکٹ کے تحت اپنی شادی رجسٹر کروائی۔ تقریب میں صرف قریبی اہل خانہ، دوستوں اور عزیز و اقارب نے شرکت کی۔
رپورٹس کے مطابق عامر خان کے بچوں جنید، آئرہ اور آزاد سمیت خاندان کے دیگر افراد بھی اس خوشی کے موقع پر موجود تھے۔ تقریب کو انتہائی نجی رکھا گیا اور کسی بڑی استقبالیہ تقریب کا اہتمام نہیں کیا گیا۔
عامر خان اور گوری سپراٹ ایک دوسرے کو تقریباً 25 برس سے جانتے تھے، تاہم 2024 میں دوبارہ رابطہ ہونے کے بعد دونوں ایک دوسرے کے قریب آئے۔ بعد ازاں مارچ 2025 میں اپنی 60ویں سالگرہ کے موقع پر عامر خان نے پہلی بار گوری سپراٹ کو اپنی گرل فرینڈ کے طور پر عوام کے سامنے متعارف کروایا تھا۔
واضح رہے کہ یہ عامر خان کی تیسری شادی ہے۔ اس سے قبل وہ Reena Dutta اور بعد ازاں فلم ساز Kiran Rao سے شادی کر چکے ہیں۔ گزشتہ کئی روز سے ان کی شادی کی خبریں بھارتی میڈیا اور سوشل میڈیا پر گردش کر رہی تھیں، جن پر اب باقاعدہ مہر ثبت ہو گئی ہے۔
