اسلام آباد (ایم احمد) اسلام آباد انٹرنیشنل ایئرپورٹ پر ایف آئی اے امیگریشن نے بڑی کاروائیاں کرتے ہوئے، جعلی سفری دستاویزات پر بیرون ملک جانے کی کوشش ناکام بناتے ہوئے خاتون سمیت 3 مسافروں آف لوڈ کر دیے.مسافروں میں سلمان خان، بادشاہ خان اور آرمغان بلخی نامی خاتون شامل .. ایف آئی اے ترجمان کے مطابق ملزم سلمان خان اور بادشاہ خان کا تعلق سوات اور دیر سے ہے اورسلمان خان نامی مسافر فلائٹ نمبر PF718 کے ذریعے عمرے کے ویزے پر سعودی عرب جا رہا تھا.ملزم کے پاسپورٹ پر سربیاء کا جعلی ویزا لگا ہوا تھا،جبکہ ملزم بادشاہ خان PK187 کے ذریعے وزٹ ویزے پر بحرین جا رہا تھا.ملزم کے موبائل فون سے اٹلی کا جعلی ریزیڈنٹ کارڈ برآمد کر لیا گیا ہے اور یہ سال 2023 میں بھی پاکستان سے آذربائیجان اور بعد ازاں لیبیا گیا تھا، جبکہ یہ ملزم لیبیا سے غیر قانونی طور پر یورپ جاتے ہوئے گرفتار ہوا تھا اور رواں سال ہی پاکستان ڈیپورٹ ہوا تھا.
دوسری جانب خاتون ملزمہ آرمغان بلخی PK749 کے ذریعے فرانس جا رہی تھی اورملزمہ کا تعلق افغانستان سے ہے،ملزمہ کی جانب سے پیش کیا جانے والا سوئس ریزیڈنٹ کارڈ جعلی نکلاہے.ایف آئی اے امیگریشن اسلام آباد نے ملزمان کو مزید قانونی کاروائی کے لئے اینٹی ہیومن ٹریفکنگ سرکل اسلام آباد کے حوالے کر دیا ہے جن سےمزید تفتیش جاری ہے.
