راولپنڈی (شیہان آکاش) پاک فوج کے شعبہ تعلقات عامہ (آئی ایس پی آر) کے مطابق 29 اور 30 جون کی درمیانی شب ٹانک کے علاقے منزئی میں سیکیورٹی فورسز اور دہشتگردوں کے درمیان فائرنگ کا تبادلہ ہوا۔سیکیورٹی فورسز نے دہشت گردوں کے ٹھکانے کا پتہ لگایا اور 3 دہشتگردوں کو جہنم واصل کر دیا۔آپریشن کے دوران ہلاک ہونے والے دہشتگردوں کے قبضے سے اسلحہ اور گولہ بارود بھی برآمد ہوا۔دوسری جانب شمالی وزیرستان کے علاقے رزمک میں سیکیورٹی فورسز اور دہشت گردوں کے درمیان مقابلے میں 3 دہشتگرد ہلاک ہوگئے۔ ہلاک ہونے والے دہشت گرد سیکیورٹی فورسز کے خلاف دہشتگرد حملوں اور معصوم شہریوں کے قتل میں ملوث تھے۔آئی ایس پی آر کے مطابق علاقے میں موجود دیگر دہشت گردوں کے خاتمے کیلئے کلیئرنس آپریشن کیا گیا۔سیکیورٹی فورسز کی جانب سے کیے گئے آپریشن کوعلاقہ مکینوں نے سراہا اور دہشت گردی کے خاتمے کیلئے بھرپور تعاون کا یقین دلایا۔
