لاہور(ایم احمد)موٹروے پولیس نے ایم-2سیال موڑ پر بڑی کارروائی کرتے ہوئے 2 کلو آئس منشیات برآمد کر کےدو ملزمان گرفتار کر لیے ۔
ترجمان موٹروے کے مطابق موٹروے پولیس اور اینٹی نارکوٹکس فورس نے مشترکہ کامیاب کارروائی کرتے ہوئے،ایم-2 موٹروےپر سیال موڑ کے قریب مشکوک گاڑی LE-7342 روکی،اس دوران ملزمان نے فرار ہونے کی کوشش کی مگرناکام ہوگئے اورانہیں کھیتوں سے گرفتار کر لیا گیا۔
کارروائی کے دوران گاڑی سے 2 کلوگرام آئس اور 103 رول کپڑا برآمدہوا۔ترجمان کا کہنا ہے کہ گرفتار ملزمان کی شناخت شاکر خان ولد عبد القدوس اور سلیم خان ولد کرامت خان کے نام سے ہوئی اور ان دونوں کا تعلق نوشہرہ سے ہے۔ترجمان موٹروے پولیس سید عمران احمد کے مطابق ملزمان اور برآمد شدہ منشیات اے این ایف تھانہ جوہر ٹاؤن لاہور کے حوالےکر دی گئی ہے۔۔
