اسلام آباد (ایم احمد )نیشنل پیڈل رینکنگ کپ کاکامیابی کے ساتھ اختتام ۔مردوں کا ایونٹ لاہور خواتین ایونٹ کراچی نے جیت لیا.رینکنگ کپ کا انعقاد پاکستان پیڈل فیڈریشن نے پیڈل ایشیا اور انٹرنیشنل پیڈل فیڈریشن کے تعاون سے کیا جس میں اسےمیدان پاکستان ،سندھ پیڈل اورپلےپروکا ساتھ بھی حاصل تھا.جمعرات کے روزتینوں کیٹیگریز کے فائنل کھیلے گئے ۔
مینز ایونٹ کے فائنل میں ٹیم ایس کے اور ٹیم پیڈل اسکوائرکےدرمیان کانٹے کامقابلہ ہوا ۔دونوں ٹیموں نے ایک ایک گیم جیت کرمیچ کو سنسنی خیز بنایا ۔آخری گیم میں سلیمان اور احمد کامل کی ٹیم ایس کے جیت حاصل کرکے چیمپئن کا تاج سے پرسجایا ۔۔تیسری پوزیشن کا میچ کچی برادرز نے اپنے نام کیا. خواتین کیٹیگری میں ٹیم ایم یو وی اور پیڈل ٹیم کا مقابلہ ہوا جسے یکطرفہ مقابلے کے بعد ٹیم ایم یو وی نے دو صفر سے جیت لیا ۔تیسری پوزیشن شیبا اور شیر نے حاصل کی ۔۔۔مکسڈکیٹیگری کا ٹائٹل ٹیم یم پرم نے جیت لیا جنہوں نے فائنل میچ میں سروائورزکو ایک کےمقابلے میں دو گیم سے زیر کیا ۔تیسری پوزیشن کا میچ ٹیم ڈسٹرکٹ نے جیتا ۔
پاکستان پیڈل فیڈریشن کے صدر محمد متین نے فاتح کھلاڑیوں اور آفیشلز میں انعامات تقسیم کیے۔مجموعی طور پر پلیئرزکو چھ لاکھ روپے کی انعامی رقم دی گئی ۔سی ای او پاکستان پیڈل فیڈریشن مدثر آرائیں نے میڈیا سے گفتگو میں بتایاہمارے پلیئرز اب انٹرنیشنل ایونٹس کے لیے تیار ہیں اور ہم پر امید ہیں جلد پاکستا ن بین الاقوامی مقابلوں میںکامیابی حاصل کرے گا جس کا آغاز ایشین چیمپئن شپ سے ہوگا ۔
