اسلام آباد (ایم احمد ) اے این ایف کا تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف کریک ڈاؤن۔ 10 کاروائیوں کے دوران 15ملزمان گرفتار ۔ کر لیے گئے.. انسداد منشیات فورس کے مطابق ملک بھر میں کی گئی کارروائیوں کے دوران اے این ایف نے سمگلروں کے قبضے سے 94 لاکھ روپے سے زائد مالیت کی 79 کلوگرام منشیات برآمد کر لی ہے۔اے این ایف کا کہنا ہے کہ ملک بحر میں تعلیمی اداروں کے اطراف میں کارروائیوں کے دوران بھاری مقدار میں منشیات برآمد کی گئی ہے.. سیونتھ روڑ راولپنڈی میں موٹر سائیکل سوار سے 525 گرام کی 868ایکسٹیسی گولیاں برآمد کر کے ملزم گرفتار کیا گیا ہے.
اٹک میں واقع یونیورسٹی کے قریب ملزم کے قبضے سے 520 گرام چرس برآمد کی گئی.. اٹک میں ایک اور کارروائی کے دوران یونیورسٹی کے قریب گرفتار ملزم سے 520 گرام چرس برآمد کی گئی ہے.. کہوٹہ روڑ اسلام آباد میں واقع یونیورسٹی کے قریب ملزم سے 500 گرام چرس برآمد کر لی گئی ہے.. جبکہ ٹی چوک اسلام آباد کے قریب ملزم سے 100 گرام چرس برآمد کی گئی ہے.. گرفتار ملزمان نے تعلیمی اداروں کے طلباء کو منشیات فروخت کرنے کا اعتراف بھی کیا ہے.. اے این ایف کی دیگر کاروائیوں میں بھی بھاری مقدار میں منشیات کی سمگلنگ کو ناکام بنایا گیا ہے.. جناح انٹرنیشنل ایئرپورٹ پر براستہ دبئی سےریاض جانے والے 3 مسافروں کے سامان میں موجود ہارمونیم سے 1 اعشاریہ 850 کلو گرام آئس برآمد کی گئی ہے.. باچا خان انٹرنیشنل ایئرپورٹ پر قطر جانے والے مسافر کے پیٹ سے 155 گرام ہیروئن بھرے 23 کیپسولز برآمد کیے گئے ہیں.. پٹارو ٹول پلازہ جامشورو کے قریب بس میں سوار 3 مسافروں سے 72 کلو چرس برآمد کر کے ملزمان گرفتار کر لیے گئے ہیں.. کاک ُپل اسلام آباد کے قریب 2 موٹر سائیکل سواروں کے قبضے سے 2 کلو آئس برآمد کی گئی ہےجبکہ رنگ روڑ پشاور کے قریب گاڑی سے 1 کلو 800 سو گرام آئس برآمد کر کے ملزم گرفتار کیا گیا ہے.. گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے..
