اسلام آباد (ایم احمد)انسداد منشیات فورس نے راولپنڈی اور اسلام آباد میں خصوصاً تعلیمی اداروں میں کوکین فروخت کرنے والا نیٹ ورک بے نقاب کر دیا.. انسداد منشیات فورس کے ترجمان کے مطابق اینٹی نارکوٹکس فورس نے اسلام آباد کے سیکٹر H-13 میں ایک فلیٹ سے خاتون منشیات فروش کو گرفتار کیا ہے اور فلیٹ سے 180 گرام کوکین برآمد کی ہے.
غیرملکی خاتون کو منشیات فروخت کرتے ہوئے رنگے ہاتھوں گرفتارکیا گیاہے.اے این ایف کا کہنا ہے کہ نائیجیرین خاتون کی شناخت اموسا عرف علابہ کے نام سے ہوئی ہے۔ اور کا تعلق لگوس، نائیجیریا سے ہے، ملزمہ سے پاسپورٹ بھی برآمد کر لیا ہے.اطلاعات کے مطابق نائیجرین خاتون ایجوکیشنل انسٹیٹیوٹ میں طلبہ کو منشیات کی فراہمی میں بھی ملوث تھی اس سے قبل بھی اے این ایف متعدد نائجیرین منشیات فروشوں کو گرفتار کر چکی ہےاے این ایف نے ملزمہ کے خلاف مقدمہ درج کر کے مزید تفتیش شروع کر دی ہے۔
