راولپنڈی ( کرائم رپورٹر ) پیرودھائی کے علاقہ میں ملزمان کی پولیس پارٹی پر فائرنگ ۔ فائرنگ کے تبادلے میں ایک ملزم ہلاک اور ایک فرار ہو گیا۔۔ گرفتار ملزم سے اسلحہ بھی برآمد کر لیا گیا ہے۔۔ ترجمان راولپنڈی پولیس کے مطابق پولیس پارٹی علاقہ میں موجود تھی کہ ملزمان نے پولیس کو دیکھتے ہی فائرنگ شروع کر دی،جس پر پولیس نے تعاقب کیا تو ملزمان نے فائرنگ کرتے ہوئے فرار ہونے کی کوشش کی۔ واقعہ کی اطلاع پر سینئر پولیس افسران موقعہ پر پہنچ گئے،جبکہ فرار ملزم کی گرفتاری کے لئے سرچ آپریشن جاری ہے۔ملزمان کی فائرنگ کے باوجود بہادری سے مقابلہ کرنے پر سی پی او سید خالد ہمدانی نے ایس پی راول، ڈی ایس پی سٹی اور پیرودھائی پولیس کو شاباش دی ہے۔۔
