اسلام آباد ( ایم احمد) قومی اسمبلی سے بجٹ منظوری کے لیےعید کی چھٹیوں کے بعد اجلاس کل دوبارہ شروع ہو گا..اجلاس سپیکر قومی اسمبلی کی صدارت میں شام پانچ بجے ہو گا.. اس سلسلے میں قومی اسمبلی سیکریٹریٹ نے اجلاس کادو نکاتی ایجنڈا بھی جاری کر دیاہے.اجلاس میں بجٹ 25-2024 پر بحث کا آغاز ہو گا.
موجودہ اجلاس میں فنانس بل 25-2024 منظوری کے لئے بھی پیش ہو گا اور اپوزیشن لیڈر عمر ایوب بجٹ پر بحث کا آغاز کریں گے.اپوزیشن لیڈر حکومت کی معاشی پالیسیوں اور ٹیکسوں کے نظام پر تنقید کریں گے جبکہ اپوزیشن نے بجٹ منظوری کے دوران احتجاج اور ہنگامہ آرائی جاری رکھنے کا فیصلہ کیا ہے.زرائع کا کہنا ہے کہ بجٹ پر بحث ایک ہفتہ جاری رہے گی ،جبکہ ہفتہ اور اتوار کو بھی اجلاس جاری رکھنے کی تجویز دی گئی ہے. ذرائع کے مطابق حکومت 29 جون کو قومی اسمبلی سے بجٹ کی منظوری حاصل کرے گی اور حکومتی اراکین کو بجٹ اجلاس میں حاضری یقینی بنانے کی ہدایت کی گئی ہے.قومی اسمبلی ارکان کو بجٹ منظوری تک حلقوں میں بھی نہ جانے کی ہدایت کی گئی ہے..
